DAHO-VODOU
- NOU GRAN KON BONDYE
Bondye Gran – fòk nou pa twonpe n – ni doute – pawol sila nan Verite l – konfime an sètitid ak Leman Nanm divinite n – nou Gran – nou Gran tou – nou Gran kon Bondye.
Chalè Espri Jeni Nanm nou – se Enèji vitalite Gran-Mistè lavi nan Egzistans lan.
Ayibobo!
Bondye se nou – Nou se Bondye.
An n mache nan Trase Chimen glorifye n.
Nou se Bondye – Nou se Bondye nan Bondye. Ayibobo!
An sètitid – nan Lafwa sètifye :
Nou se Vodou Etènèl la.
Glwa a Prezans nou nan Egzistans lan.
Glwa a Vitalite Ensten Entelijans diven nou.
Nou se lafimen dife pwòp Egregò n.
Kote nou pase – kote nou ye – Nou se Sole byenfè bonè lavi.
Devwa devosyon n Devan Badji-a :
Se bay gratitid a Mistè lavi. Se bay gratitid a Lwa nou yo. Se bay gratitid a Zansèt nou yo – nan yon relasyon Lanmou fratènèl an pataj.
Devan Badji-a : Nou se Vodou – Nou se Maji – Nou se Wanga – Nou se Mèvèy – Nou Etènèl – Nou se Bondye – Nou se Bondye nan Bondye. Ayibobo!
19 février 2023.
- Joseph Pierre Léonard
- DAH MIHINSÉ
- Le tou pwisan
- Gangan mesaje / ibo thérapeute
- Bayakou reklame
